在路上

太多睇得清睇唔清既..........

继续怀疑自己拉..........

小翠，我番左黎拉

你系边度。。。

今日启程去山东,开始第一次正式既长途自助游。

小翠，你就开心甘去香港拉。记得带香港仔鱼旦番黎比我啊

我地8日后再见了

真的是这样吗?还是我一直看错了。。。。。。

说真的，我很伤心，是伤心，不是悲伤

算了，以后我不会再给机会你欠我的了

划清楚好了，既然你分得这么清

节奏变化不足,和弦运用不够丰富

低音旋律死板,鼓点控制没跟着主旋的感觉走

终于拿到EASON既新碟U87拉，兴奋既同时亦都保持小小理智甘睇左只碟附送既NCM! LIVE。无话可说，EASON久休之后既第一次新歌LIVE，洗尽铅华，完全用音乐黎构筑一种情感既表达方式。依然系百厌既细路仔，依然嬉皮既表演方式，但系成场LIVE，我都见到他紧贴住个MIC，睇得出10年以黎，他既成熟，睇得出当哩场LIVE系只属于他一个人果阵，他已经可以企系场中间，用一支MIC同一个MIC架HANDLE晒成个场。唯一我觉得遗憾既系台下既FANS，可能因为唔系ROCK SHOW，所以见唔到果种甘虚撼既场面，而且连比反应都要EASON提，哎。。。。醒目D拉。。。所以我真系有D惊去EASON既广州LIVE，因为我知道广州FANS仲含蓄过香港。。。。我宁愿06年去香港睇好过。。。。

今次U87里面既歌好似只只都会有只古仔，EASON一直都话想用歌讲D野比我地知，今次他好刻意甘做左出黎，点解刻意？因为他都讲到出口拉，甘仲唔刻意啊。。。不过我觉得无论只歌有古无古，最紧要都系我地听众比D咩情绪黎听哩D歌，唔同情绪就会有唔同既感觉，所以无话约好左，哩只歌就一定要系哩只FEEL既。

我自己听完晒整只碟就觉得哩12只歌既整体性无上一只LIVE FOR TODAY甘强，甚至可以话系无整体性，但系哩12只歌又有个共通点：讲紧人性，人生既态度。系米过左30岁既人就好自然甘会认真讨论起哩D甘严肃既问题咧。

01。烂

完全唔明林夕写哩只歌既歌词想讲D物，只歌原本叫“妖”，我念紧，如果叫妖既话，我对哩只歌仲更加迷惑，散到离晒谱，唔怪得林夕自己话：“烂”好啊~~~“烂”多野写啊。。。多野写米搞成甘咯。。哎。。。。

02。阿牛

一开头个旋律已经令人感动，贴心到好似系心窝度哼出黎既小调。从阿怪到阿牛，从一类人到另一类人。我地完全唔能够理解一个唔理社会压力，我行我素，由我话晒事既阿怪，他东奔西走，只不过系为左自己既理想，他唔拍拖，系因为他觉得无时间拍。阿牛又系一个点既人？我觉得系同阿怪截然相反既，他好执着，他睇唔开，为左一段已经过左去既感情，好似系好痴情，其实真系好傻，明知道哩D野无可能番转头噶拉。又将自己代入左只歌度，不过讲真，我真系有D似阿牛，不过宜家应该无甘傻噜，哈哈。

03。夕阳无限好

可能哩只歌做广告做得太多，以致我觉得他有少少滥。不过其实哩只歌都几民歌FEEL啊，而且歌词又温馨。不过我想讲，EASON对于夕阳既念法真系有D太乐观拉，就算听日有几灿烂既一日，今日既夕阳始终系会沉落既，好好地把握至系我地要做既野。

04。16月6日晴

一首词曲都由新人陈羽恒操刀既歌，活力十足，令人十分惊喜啊。本身只歌系讲失恋既，不过旋律就隐藏得好好，一听落，感觉就系种好放得开既感觉，虽然仲系满脸既泪水，不过算拉，过左去既米当系回忆咯，念起果阵，觉得伤心既米哭咯，念起SWEET既米傻笑一餐咯。。。。所以就算系失恋都会系晴天。。。。歌名起得好特别，我觉得把它理解成：失恋之后16个月又6日之后系晴天。甘样会有趣好多~~~因为我失恋之后既16个月又6日都差唔多到了。。。希望系晴天

05。浮夸

哩只碟我最中意既一只歌，果种一个人孤零零既感觉系最吸引我既地方，同埋，我觉得他毫不掩饰自己既浮夸，反而话比大家听，我就系甘浮夸噶拉，因为我想引起你地既注意。好真性情，直率。

06。葡萄成熟时

令人心痛既一首歌。当我地回头望自己既从前，就会发觉有D野失去左，而且无办法再挽回既，但你宜家只可以接受哩个甘残酷既事实。好中意哩一句：“就算失收，始终要守”。

07。三个人的探戈

我又念起果首孤独探戈同埋果首世界。我觉得世界讲得更加直白D，“原来爱情的世界很大，大得可以装下一百种委屈；原来爱情的世界很小，小到三个人就挤到窒息”。而哩首三个人的探戈就有D调侃既味道，“三人行维持平衡地曼舞轻歌”，你以为讲紧数学咩。。。。

08。不良嗜好

如果这歌叫做cigarette,我会更加中意既~~哈哈。因为哩只歌系林一峰+黄伟文搞出黎既，所以想唔搞鬼都唔得。FIT晒EASON个鬼马样，特别中意果句“兴奋地熬”，超盏鬼。一峰既音乐元素总系运用得恰到好处既，他似乎对各地既民谣同埋民族乐器都好熟，所以编出黎歌呈现出多种既色彩变化，不过最中意都系他玩吉他~~卡卡

09。怕死

又扮轻挑拉。。。。记得以前都有只歌系哩只FEEL既，好似系“我有我爱你”不过果只歌系林夕既词，果D抵死既风格点都有D收敛既。今次哩只一听就知肯定系WYMANN手笔拉。。。。一针见血既风格。

10。大个女

对于哩只歌，我无咩讲。最憎就系林夕写词果阵拉埋晒D明星既名入去噶拉。

11。新美人主义

这歌。。。。。哎。。。。。。

12。遇见了你

突然发觉，如果哩只歌比孙楠唱，就会系完全唔同既FEEL，果只野次次唱哩D歌都好似想杀人甘。EASON就唔同拉，唱到人无晒力甘，不过其实唔系好中意D词，因为觉得好似同以前听过既歌有D重复。。。。死拉，越听越黑线孙楠。。。。

大家都讲得岩,有D野同时间无关系